طوّلتها يابن الحلال وتماديت
هوّن على نفسك ترى واقعك بان
محد مصدق لك ندا لو ناديت
الناس ما تنقل خبر دون برهان
منته بلاحق لي هدف لو تعاليت
الناس ما ترمي هدف دون نيشان
انا نجاحي سهر. جهد. وتناهيت
وانته طموحك قيل وفلان وش كان
انا وصلت بغايتي واستقليت
ورسيت بحساسي على كل ميدان
وانا على كل المنابر تعليت
وانته تذم فلان وتمجد فلان
وانا نذرت اعانق المجد ووفيت
وانت ابتليت الناس ظلمٍ وبهتان
انا على شاطي النجاح استقريت
وانته تشيل الحقد في صورة انسان
وانا بسوق الدر صغت وتمشيت
وانته تزايم خردواتك بلا اثمان
انا استمد المجد من عالي الصيت
وانته تصب الما على كفوف غرقان
لا تحسبن المجد يحصد تفاخيت
المجد يبغاله ولد حر وحصان
وطولتها يابن الحلال وتماديت
هوّن على نفسك ترى واقعك بان