خنگتني الظنون وشيّب البال
و يطول الليل والوهواس چتال
ما بين الهموم وفوظة ظنون
اظل صافن لحد ماصير تمثال
وين الله التفت والگاك موجود
و اسولفلك جروحي الصارن امثال
وتواعدني واجي ويجور ملگاك
بدمعاتي اجي وخطواتي الثگال
ومو دمعات طاحن چنهن شيوخ
عليك الدمعة تنزل لابسة عگال
انه مجاريك ريشة وچفك الريح
يل عاندت بية عناد الاطفال
يل بچيتني وما حاسب حساب
بغلو معشرنه الاول دمع الارجال
والاگيك واعيش بحيرة وياك
و اسولفلك حچي مو مال عقال
اغازل بيك .. اسكت .. اعتب اعليك
ضعت والساني يمك مادري شگال!
واشرد من خيالك واحظن الليل
و يمر طيفك هموم الليل ما طال
واحس ايامي ظلت منهه ساعات
عزرائيل احسن صارلي خيال
اشوفك رايح شما فكرت بيك
و الگه موادعك تفصال عالبال