غمضت لأجل أجلس حبيبي قبالك
ومن الوله مطفوق كل حين في حال
يدي على يدك وخدك وشالك
ويا ويل ويلي يوم طيحتي الشال
الشّاعر اللي بالمحبٌّه صفالك
من قال احبك قالها قول وأفعال
من وين ما لديت.. ألمح خيالك
ولا الأماكن صايره عقبك أطلال
في ليلي الحالك أعيشك لحالك
أضحك معك وأبكيك وأحوالي أحوال
إما سعفتي عاشقٍ فيچ هالك
وإما اقتليني يا بعد كل الأزوال
حتى وأنا جنبك وخايف وصالك
لا دقت الساعة وكلن قضى وشال
بيتٍ يجي عالبال خلّه ببالك
مدري منو راعيه ويترجم الحال
(شوقي لِك تعدى حدود احتمالك)
(يشبه صباح العيد بعيون ألأطفال)