يا من غدا طيفك على الروح ميعاد
تغرق مواني خافقي فيك وتشوف
لاجلك زرعت الحلم في كفّي اوراد
يحيى بذكرك كلّما ضقت ملهوف
طويت من بعدك تعابير واجهاد
وسريت في ليلٍ به الوقت معسوف
أرعى نجومه بالسما بشوق وقّاد
ماكن في صدري من الضيق متلوف
تبقى ب عيني غير عن كل الانداد
ويبقى غلاك بوسط الاضلاع محفوف
عزف الحنين بداخل القلب يزداد
يحيي بقايا الشوق والدمع موصوف
في صدري الذكرى لها ناي وابعاد
تنسج خيالك في مدا العين وتطوف
ألقاك في صمتي على مرّ الاعياد
والقى سراباً في سما الليل ملهوف
أرتب أوراقي على الصدر بعناد
وأكتب حكايا لوعتي بين الألوف
تكسرني الذكرى واسافر لها بلاد
صار اللقا فيها من البعد محذوف
الليل لاسدل ثوبه اعيشه سهاد
وتنبض بجوفي حرقةٍ مالها وصوف
كم ليلةٍ عشت الرجا فيك معتاد
والقى ملامح طيفك العذب مألوف
لو شفتني في غيبتك دمعي اعتاد
وتبقى الحكاية للوفا رمز وحروف
ولو حال طيفك دوننا قيد وعناد
يبقى وصالك في حناياي موصوف
ويبقى الوفا طبعي ولو زاد الابعاد
والعين ترفض غير طيفك لها شوف
وما دام هالدنيا تبي منّا جهاد
نصبر ونكتب بالهوى كل معروف
يا جعل دربي في تباشيرك اسناد
وأعيش في قربك بلا هم أو خوف
يا سيّد احساسي إذا الوقت ما جاد
يبقى غلاك بوسط روحي ومحفوف
زرعت حلمٍ في ثرى الصبر وازداد
يروي يباس الروح من ودّك قطوف
ولو عاندتني دنيتي وكل الأضداد
تلقى الصمود بوقفتي دوم مصفوف
يا من ملكت الروح في قيد وأصفاد
عزمي على عهد الوفا شامخ ينوف
ما ينحني والله لو طال الابعاد
وما عاقني عنّك صواديف وظروف
لو طالت دروب الجفا بيننا امداد
يبقى الرجا بالله والقلب مشغوف
أروي ضمى روحي ولو تحرق أكباد
عن غير حبّك من زمن معلن عزوف
وابقى على عهد الوفا رغم الأوغاد
ما دامت عيون الهوى للغلا تشوف
يا اجمل مواعيدي على مرّ الإشهاد
ياللي غلاك استوطن الروح والجوف
لو ترحل سنين الهنا مالك انداد
يا أوّل غلا يسكني وآخر طيوف
عمر التّغلي ما هدم للغلا اوتاد
واللي يحب بصدق ما هو ب مكسوف
ما ينهدم صرح الوفا رغم الأحقاد
ورغم الجفا قلبي على العهد مكلوف
حُبّك بصدري للوفا كان ميلاد
ما هزّني ب دنياي يا خلِّ حسوف
نحيى على عهد الوفا روح وأجساد
ولا ينهِ حبّك في حنايايه احتوف
ولو قالوا الدنيا بها البعد ميعاد
أقول: حبك في ضلوعي له رفوف