نصحني أبويا
قال لي زمان:
خداع الدنيا في الألوان
جميلة وحلوة كعروسة
في ليلة الزّفة بالفستان
ولكن في الخطوب تظهر
وبالعشرة الوجوه بتبان
وبالأفعال
يبان الوحْش م الإنسان
فمن يومها
بشوف الناس بأفعالها
ولا يغريني جاه منها ولا سلطان
وقال لي كمان:
بني آدم كما المعدن
نفيس أو صافي
منه الغش
فنمسك في الأصيل جدا
ما هو أصله ما لوش غير وش
وحيد واحد وما بيخدعش
كريم الأصل يا بنتي
ولو ينزف فما بيجرحش
ومهما للجميل قدّم
ما بيعيّرش.