قولها معايا وعيد يا زمان
شجر الحب طرح أحزان
شوف الوردة ان خلعت توبها
حيبان شوكها على الأغصان
قول يا زمانى معايا وبوح
قلب العاشق طير مدبوح
قصة حب حروفها خطايا
ماده جذورها وساكنه الروح
قطفت اجمل حته فى قلبى
زرعت دمعة ونار بركان
شوف الوردة إن خلعت توبها
حيبان شوكها على الأغصان
ياللا يا قلبى اسمعنى وتوب
قبل ما يبقى عليك مكتوب
كل أغاني العشق بتشكى
بكّتْ ياما معانا قلوب
نار الحب يا قلبى سيبها
نرجع زى ما كنت زمان
شوف الوردة إن خلعت توبها
حيبان شوكها على الأغصان