كل ماقرب منك خطوة

كل ماقرب منك خطوة

تبعد عنى يا روحى خطاوى

ليه الحب عبيره بيجرح

بعد ما كان بالورد يداوى

كل ماقولك انى بحبك

يقفل عِندك أبواب قلبك

ارجع تانى بوردى وفُلى

علشان ترضى بقلبى ف قربك

تجرح كل ورودى بقسوة

وتقول أيه الورد يساوى

ليه الحب عبيره بيجرح

بعد ما كان بالورد يداوى

كل ماقرب من أحلامك

تجرى وتهرب بين أوهامك

تفتح ألف كتاب للشكوى

تكتب فيها مر الآمك

ادخل جوه فى جرحك وافتح

كتب الحزن ألقاها غناوى

ليه الحب عبيره بيجرح

بعد ما كان بالورد يداوى