بيطرزوا

بيطرزوا

توب العروسة بدمها

علشان تزغرط أمها

ويقولوا بكر

وأبوها يضرب طلقتين

فوق ف الهوا

إمتي استوي

جاهل بصاحب فكر

الوشم باين ع الجتت

نجمة داوود

يامشتتينا

بالمبادئ والحدود

حب النبي

مش بس حضرة ذكر

مليون سؤال متنتورين

جوا الدماغ

مين اللي حاكي المهزلة

مين اللي صاغ

مين اللي حدد دور بطولة

للهمج

كرباج علي ضهر الزمن

بيعلمه

يعمل حساب للخطوة

قبل مايندمج

مدي ايديكي للسما

هاتي المدد

واتمسحي ف الأوليا

من غير عدد

ونوري للعدرا مني

شمع قداس الأحد

وماتسمحيش للسامري

يخدع هارون

وبذنبنا

يفرض إلاهه المفترض

قومي لصلاتك رددي

(الله أحد) .