تكفى تعال ابى أسئلك عن علومك
مشتاق لك خذلك مع الربع فنجال
سؤال عن حالك وعطني همومك
أشيلها عن كاهلك كان تنشال
اساعدك ماني مثل من يلومك
نصيحتي لاتستمع كذب الأنذال
تبعدعن اقرابك وتكرهك قومك
بعدالغلا مالك معزه ومنزال
تكثرعيوبك لوتزين اسلومك
ترى الرجال اقوال تسند بالأفعال
رجلٍ وهو ساكت يقضي لزومك
من غيرماتبدي له العلم فعال
ورجلٍ الياشفته يردي اعزومك
لا تجالسه وأحذر وخله على البال
ورجلٍ حرام انه رجل لايرومك
وتصير له مدهل ولا هو برجال