تعبت يا سيد الحبايب ومليت
وأنت السبب يا متلف الروح يا زين
ليلي سهر وأشواق قلب وتناهيت
همت بغلاك وصرت مثل المجانين
ما شوف غيرك كل ما قبلت واقفيت
أسمك ورسمك دون كل المحبين
عز الله انك بالخفوق استقريت
وحطيت في قلبي رسوم ونياشين
حتى الهوا لو مربك قلت يا ليت
إني ذرا جسمك عن النود والعين
خايف من أشرار البشر يوم صديت
أدراك من نظرت هل الزيف والشين
وجدي عليكم كل مصبحت وأمسيت
وجد السجين إلي سجن من هل الدين
حارب منامه ساهر الليل ما يبيت
مطلوب دين ولا مهلوه الديايين