يازين أشوف إني بالأحلام مالك
كنز الملوك اللي بها عقد الألماس
والملك عندي يوم يطري وصالك
ملكي ولا تلقى مثيله مع الناس
وأموت مابدل خفوقي بدالك
اللي ملكت بداخله كل الأحساس
البارحه مابات فيني خيالك
أسهر خفوقي بين الأمال والياس
مره يقول أبشر خفوقي حلالك
قلبي وروحي والمحبه لك لباس
ومره يقول الشوق لامن طرالك
دقت نواقيس الشقى توجع الراس
ماحقق الله باالتمني منالك
ريح خفوقك وأسكنه بين الأقواس
وأنا بلا قربك مع الناس هالك
وحيد تغرقني مغبات الأتعاس
ياشمس عمري ماتحمل زوالك
شوفي بعد فرقاك وشلون الأوناس
لا يرجع اللي بالمحبه عنالك
ترميه حسراته على ضيق الأنفاس