ليل السهر ما اضواه كثر الفوانيس
يشعل تفاصيل الحياة الكئيبة
وانا اجمع الوحدة بشتى المقاييس
ما عندي الا ذكرياتٍ رتيبة
شاعر عجز يلقى بكل القواميس
شيٍ يعبّر عن شعوره، مصيبة!!!!
يا اللي تركتيني لبحر الهواجيس
ما عاد اقول ان طال هجرك غريبة
عاشقك ما يعشقك خلف الكواليس
جالك واحاسيس المحبة رحيبة
وانتي غيابك حط دونه متاريس
ما ياصلك حتى لو انك قريبة
بردان يلغي فالشتا فلسفة قيس
في حب ليلى لا تزايد نحيبه
البرد والله في غياب الأحاسيس
يوم الدفا وصل الحبيب وحبيبه