للصمت.. يا الكلمة اللي قبل تولد تموت
الصمت: قوّة متى ما كان ضعف الكلام!!
أيامي اللي بنى من فوقها العنكبوت
هجرتها.. وان طرت لي! ما عليها سلام
سلام يا رحلة المجهول بين البيوت
ما اخترت ادوّرك! دليتك ف جنح الظلام!
خمس وثلاثين! يا طولك! ويا قصرك
جيتي ورحتي ب روحاتي وجياتي
عفواً على الحزن.. لكن واجبي شكرك
على التعب واختصاره في مسافاتي
ضعتي.. وانا يا سنيني كنت تحت أمرك
لين اكتشفت اني ابعد شخص عن ذاتي!
ماني على خبري وماني على خبرك
باطير واحرق وانا طاير ملفاتي
بدري على أيش؟ ذا عمري م هو عمرك
أبنطلق والفضا تملاه ضيقاتي
أنا البارح أغني ذكريات العمر.. لين ارتاع
ظلام الليل وانفج الصباح ب شمس مدفونة
أموّل ما تبقى من جروحي والدموع إيقاع
على لحن الضياع اللي حفظت ب عمري لحونه
أضاعوني وأي فتىٍ أضاعوا!! من هو اللي ضاع؟
أنا اللي ضعت! ما شفت الطريق وطحت من دونه
تعبت أدوّر أيامي وضيقات الغريب وساع
وانا اللي قلت لاحلامي: هنا! خليك مسجونة
هنا خليك.. أبرحل بك بلا صوت وبدون وداع
لي الله.. لو مشاوير الزمن ماهيب مضمونة
تخيّرت السفر صاحب ما دام إن الدروب جياع
وما دام ان الظلام أدمت سواده شمس مدفونة