قصيدة فيصل
بن جزاء
يا ماجد اركد عذبني قصايدك
من وقعها قلب المعنى تزيده
انته كتبت الشعر او الشعر كاتبك
والا اندماج العشق ولد قصيده
شاعر عظيم بجانب اسمك تسابقك
وجيش الشعر ماجد المهنا عقيده
ماني وانا ابن غياث باالشعر لايمك
نظم الشعر جدي وجدك يجيده
لك بصمتن في المنتدى ماتفارقك
شاعر مميز وانتحرى جديده
واسلم وسلمني على من يصادفك
امن الجماعه لاقريت القصيده
وياماجد اركد عذبني قصايدك
من وقعها قلب الغييثي تصيده
رد ماجد
المهنا
فيصل جزاء لاهنت واللي يجي منك
في عيني اكبر من كلام ونشيده
اكبر شرف للقاف ساعة تواجدك
عيد الشجاع اللي مبشر بعيده
مشاعرك جتني تبين مبادئك
وانك رفيع اخلاق وانك وليده
على علوم الطيب فتلت شاربك
من عزوته مثلك يبشّر رصيده
سجلت اعجابك وانا اخوك واعجبك
قصيدتن مني تشرف جريده
في منتدى خطلان الايدي بواصلك
وواصل اللي ما يعرف المكيده
يا درعي اللي للمهمات ذاخرك
ابشر بعزك والهقاوي بعيده
وصح الله لسانك على ما بدر منك
قصيدتن منّك عن امْية قصيده