ياحمامة فسما تطوان
تبهر بزينها لعيان
عطا الكريم الغاني
تاج المحاسن سهام
الاول
الزين والقد الفتان
ليس نظرت مثلو لعيان
وانا الزين فناني
يا ترى كيف نوصفو بكلام
قالت يا شاعر يا فنان
بغيت توصفني باوزان
مثيل شوف عياني
قلت امرابهجت لريام
بغيت لك صورة الوان
فيها حسن كمالك يبان
عاد اللون بلواني
محاسك ونزيح شاين ظلام
التاني
نزلت صورة بلوان
والضيم فلعيون يبان
مالك لونك شاحب فاني
حال من قاصو لغرام
اش دبل خد بلعمان
حال من بعشقو ولهان
بعدن كان سعيد وهاني
ما يطيق قوت او كلام
نبع الزين قالو ظمان
والصدر مالي بحنان
شلا نحكي ويعيد لساني
مرمر مسقول او رخام
وعيون تساوي لوزان
صفى من ما لمزان
ونويف مسمق قيقاني
حاضي جوهر لغمام
الثالت
شوفي من حال الورشان
يا غصين فايق البان
جاد به زماني
قبليني بين يديك غلام
اسعد من جمعو بيك مكان
فغفلة من عيون الرقبان
وعيون القاصي والداني
يرشف من مصالك مدام
ننساو الوقت ولحيان
بالرضاوجوار االمزيان
ساعة تقبلي وتباني
بودلال مولاتي سهام
ونقول ياربي يا المنان
كمل ما بدينا باحسان
يا لكريم الغاني
بالشهادة تحسن لختام