عقبك تراني عيوني طرفها ساهر
وانا اتصبر على ماصار وأجامل
أصبر وأصابر وأخفي ظرفي القاهر
وأخفيه من عاذلي وأصد وأتحامل
واضحك يلا جيت عند الناس وأتظاهر
أخاف سري يبين ويكشفه خامل
مادام حنا هدفنا منزه وطاهر
وعلى النقى في هواناالعف انتعامل
خلنا أنتغانم ونقطف وردنا الزاهر
مادام نبت الليالي قدامنا كامل
ونعلن بها للبشر ونقول ونجاهر
انا ترى ياحياتي صادق وصامل
انا اعرفك في اسلوبك شاطر وماهر
عندك اسلوب القناعه كامل وشامل
أقنعتني وأقتنعت بفنك الباهر
ونقضت جرحن، قديم كان مدامل