اهب ياشاشه بريموته بيديّ غيره
للشمال يوجهونك واليمن والشامي
مثلما قال المثل من جرف لادحديره
ويش تفرق به عن اللى يعبد الاصنامي
ان قالوا قوم قم واصبر على التصبيره
واجمد اجمد لين يصدر لك قرار سامي
ابتسم كشر لاترمش لا تجيك الحيره
لاتثاوب خل شوفك دائما قدامي
ابن منذر كان من اخر ملوك الحيره
لا دخل دين المسيح ولا دخل لاسلامي
يمكن ان نفسك تبي مندي على قصديره
مانت لاقي بس لا تكثر من الاوهامي
شعرك اللى له سنه وتخمّره تخميره
ما انت بن قضعان ذاك ولا انت بن وسامي
واكثر الاصحاب ليت الشر يكفي خيره
والبعض لاوالله الا معصمٍ وحزامي
لاتقول بيت القصيد امرره تمريره
مثل غبة بحر ما كلن لها عوامي
وانتبه ثم انتبه للخط به تدويره
قبل تكشخ في شماغ العقل والبسامي
وان وقعت احذر تدور لك على تبريره
انقل الموتر على نقلية البسامي
ومستواك احرص دوام العمر في تطويره
وشوف من عاشوا بمصر وشادوا الاهرامي
لاتظلي مثل من رايه حجب تفكيره
وان عجزت الفهم شوف مفسر الاحلامي