عبث برسمك لوحة ولو ماني ب فنان

عبث برسمك لوحة ولو ماني ب فنان

وقولي لي: يا فنان بسْ بينك وبيني

أبرسم، وأنا أعرف كلها بعثرة ألوان

وأبحلم كذا يْدينك وهي تحضن يْديني

أنا طالبَك لجلي شويّ اهدئي من شان..

أطير ب خيالي، ريشتي تْدلّ تلويني

أو أقُّلك: كْفاية أنا العاشق الولهان

سكوتك يموّتني وهمستْك تحييني

هنا ساكنة قلبي، هنا كلك الأركان

لذا لجل أعيشك صدق بالحيل ضميني

جمالك فريد وْلا سوى سحرك الفتان

معَك كل ساعة عشتها إتْريَخ سْنيني

في بُعدك أعيش بحيرة آعايش الحرمان

وأشوفك، أحسّ إنْ كلّ شيء بِك يهنّيني

فديتك خذيني صبّك الهايم النشوان

أباعيش بأنفاسك وأباضمّك ب عيني

ولو برسمك، وأنا امتلك موهبة فنان..

آتوه ب ضياك وْمدري أيْ لون يِهديني