يعاتبني ابوي يقول وش جاك في جده!
وانا ماقدرت اشرح له الوضع بالتفصيل
ياناس افهموني لاتقولون وش حدّه؟!
ترى المسأله اكبر من العشق والتبجيل
اروح البحر والنفس بالحيل منسدّه
ولاشفت ذاك الموج صارت سوالف ليل
اعوّد وروحي في السواليف منشدّه
ولا ارتاح لين اكتب لها الشعر والتحليل
تمايل حروفي واكتب الشعر في خدّه
هذاك الغزال اللي تغلّيه هد الحيل
يابوي الهوى ماهوب ودّه ولا ودّه
ترى الحب مايصبر ولا يعرف التأجيل
يضيق الفضاء بعيون من طاح في جده
فلا تسألوني! كيف! مدري عن التفصيل