اَتذكرك في الثانية ألف مَره
واتذكرك لَاهب نود الشمالي
وٱتذكرك وقت الفرح والمسرَه
وٱتذكرك فرحه إذا ضاق حالي
ساكن بقلبي رغم ضيقه وصغرَه
وحدك ولا دخلت حتى عيالي
حبك أسرني بس راضي بأسرَه
لأن طيفك دوم ٱشوفه قبالي
حبك سحرني بس راضي بسحرَه
كم قربك وٱنته بعيد المنالي
والخمر حبك لكن ٱدمنت سكرَه
لأنه تسرب في دمي من خلالي
وٱتشكر الله دوماً الهج بذكرَه
وٱتحمد الله دوم لِٱنك حلالي
في داخلي إنسان وٱنته بصدرَه
عايش هواه أطلالتك والوصالي
عايش على حبك وِلو وسط قبرَه
يا جنة الفردوس يا حلو حالي
يكفيه مِنك طيلة العمر نظرَه
تحييه وتضوي سواد الليالي
وحدك ولا غيرك مخيم بفكرَه
واعطاك روحه والعمر ما يبالي
واسقاك مَا عينه ولا جف نهرَه
تسقط دموعه فوق خده توالي
ما ٱحد صبر صبره ولا بان خُبرَه
صابر وحيله حيل وطى جبالي
وٱلهم في قلبه يدمر مجرَه
ويطيح بأصحاب السمو والمعالي
صابر على الدنيا ولله درَه
كيف احتمل فوق احتمال المحالي