حالِي تكدَّر ليت تدرِي بحالي
غيابَك تركنِي للعنا والمضرّة
الفكر تايه غاب فِكري وبالي
يا طول أنّاته وحُزنه وصبرّه
غيَّبت عنَّا يا غلا ما بقا لي
بعدَك سرور ولا هنا أو مسرّه
غالِي وربي أنت يا زِين غالي
ليت الزيارة في السنه ألف مرّه
لِيت الليالي تنتهي بالليالي
ما كان فارقنا على حين غرّه
يا كِن حاله في الهوى مثل حالي
القلب متوجِع ومعروف أمرّه
لِيت من أهوى مِن الحُزن خالي
وكُل لحظَه في غيابِي تِسرّه
لِيت قلبه في الهوى ما يبالي
يترُك همومِي للسما والمجرّة
حالِي تكدَّر لِيت تدرِي بحالي
شربت من كاس الصبابة ومُرّه
أتحمَّل الآلام فوق احتمالي
أشكو ويضنيني دلاله وهجرّه
وأترقب اللحظات وأنا لحالي
عسى يبادلنِي المُعنَّى بنظرّه
يا بُعد خِلّي طال والليل طالي
تعصف بي الأفكار كرّه وكرّه