نادر تحصل لك، رفيقِِ مناسب
الرفقة إمن سنين صارت عقيمة
صاحب نجح من بين عشرين راسب
يوم اختبرته ف الليال العظيمة
بعض الخساير والله إنها ((مكاسب))
خسارة: أهل المصلحة والنميمة
فيصل الثبيتي
نشوف ما شفته بدنيا ظليمة
أشوف بعض النوق صارت تلاسب
صار اسمه اريمان من عقب ريمه
دنياك دايم بين خاسر وكاسب
هذي هي دنياك فوز وهزيمة
والرابح اللي في زمنا محاسب
قبل الحساب وجعل روحه سليمة
الجو شايف فيه بعض الرواسب
يا وجد حالي للرجال الحشيمة
هذا زمان التقنية بالحواسب
يا ليت نرجع للعصور القديمة
صارت سوالفنا بروس السباسب
ما عاد للمجلس كرامه وقيمه
من لا حسب للعمر قبل يتحاسب
يعيش في دنياه مثل البهيمة