سقت المعاني فوق ابو حدّين
يوم إستوت (والأظلم البادي)
من وين أببدأ ولاّ أجي من وين
(كل الدروب تودّي أمجادي)
إليا وطيت الدرب راح يمين
وإليا تياسر ماني بغادي
وإن قمت يبشر كل علمٍ زين
ابو ما يبغي .. جاه منقادي
يمكن على الحاجب تعلّى العين
إليا إرتكى ل العلم (شدّادي)
ربعي شموخ العزّ يالغادين
نجمٍ تعلّا فوق الأشهادي
حنا الحرار اللي وعدها دين
حرز المهار وسمّ الأكبادي
في ظل بيرقنا روى الضامين
وإلنا الأماره شِيخة شِدادي
طالت جمايلنا الشريف حسين
يوم إنهبوا خيله هل الوادي
ذيبٍ عدى يوم الفعول تبين
وغنّى بها (إبن عديس) وآشادي
إنشد عوادة ربعك الصاحين
وردّ الخبر لا جاك نشّادي
كان الجميل معرّب الجدّين
عوّد وتلقى الساس (شدّادي)