ياشبابنا فى مصر
ياشبابنا فى مصر
ليه مانكونش نجوم العصر
ليه مايكونش فى إيدنا أمانه
نسبق بيها شعوب سبقانه؟
ليه تخلونا محل إدانه
وأحنا فى عالم مابيرحمش
أتعلمنا وأتربينا معنى الدين
مانبقاش حياللا ومش فاهمين
أمتى يحين الوقت نغيّر
وتبان قدرتنا على التغيير
مانقولش ضميرنا مات وأنتها
علشان نزوة..وبتضيع فى وقتها
الله يلعنِك يا كل لحظة ضعف
ويلعنك أنت كمان لوما لعنتها
اتحدى ضعفك ب خوف ضميرك
الضعف هيزلك زى مازل غيرك
لما أنجرف فى تيارات الغلط
مرة يسوق فى التحرش باللبط
ومرة يشوف فى البانجو متعته
واللى ماسك سيجارة تآنس وحدته
واللى غرامة يناكف خلق الله
بكل بجاحه ولا مبالاه
إمتى نقول دا ربه هداه
كتر المال فى إيدينا مش نقمه
لما ندوس كرامتنا وننسى النعمه
اللى يبيع صحته بالماكس
واللى أستعجل موته بالفاكس
واللى يصيبه الصرع إن هاج
جاى مقضى وجوده إزعاج
لا يخليك فى الشارع تمشى
ولا فى البيت يدينا آمان
لحد مابقى الغلط غييه وإدمان
مانابه غير البهدلا وكتير يتهان
بعد ماكان زينة الشباب وخل للخلان
بقى ندمان وياريته يقدر ينطقها
ويقول ياريت اللى جرى ماكان
عيد ياشباب قوتك
وافرش أمالك ضل
ماتسيبش طريق جنتك
ل سكك الدمار والغِل
قوم ياضمير البشر
اصرخ وثور ع الخطر
ماتسيبش شبابك يتغدر
شاور له ع الأحلام
واسعى لجراحه تطيب، وتتلم