هوه مش آن الأوان
والا ليل الظلم باقي
وفجرنا مالهوش آدان
والا الضمير مات يابشر
وعقولكو تاهت من زمان
وانتو بتشوفوا الصهاينة
بيقتلوا ف خضر العيدان
ورصاص كلابهم ينطلق
وبيقتل الدره وايمان
مهرك حبيبتي ياقدس غالي
حتشوفي دمي ع الحيطان
نازل بيروي ف أرض طاهرة
اتخضرت فل وريحان
ياأرض حيفا وأرض يافا
وأرض عكا وعسقلان
ياأرض شبعا الحرة قومي
وصحصحي أرض الجولان
زلزلوا أركان كيانهم
واطمروهم بالطوفان
وانتي يا القدس الجريحة
اصرخي ف جوف الزمان
واندهي وبأعلى صوتك
فيه رجال سدوا الودان
مابيسمعوش غير للأغاني
مابيطربوش غير للكمان
مايروحوش غير للملاهي
للست نانسي أو رزان
ويناضلوا قدام الدشوش
والمصيبه اكبر كمان
يستنجدوا باللي اسمه بوش
مابيعرفوش انه الشيطان!
دالشيطان تلميذ سيادته!
قاعدين وماسكين بالخيطان
والمصيبة بقينا لعبه
يحركوها بالبنان
بوش ده ياسادة هولاكو
مش حكيم أو دونجوان
يارجال الأقصى شبوا واطلبوا العزة بنيشان
والنيشان هو الشهادة
لجل ماشرفكم يصان
شوفوا أبطال الفالوجا
واثبتوا ف أرض الميدان
والا بيت حانون ولاهيا
شوفوا نابلس والا خان
بإيديكو تبنوا مجدكم
وتأدبوا الغازي الجبان
ساعتها نور الفجر يظهر
. وودانا تسمع له آدان