ودي اكتب لكن اقلامي تعيّي
ودي اشكي مثلما العشاق سوّوا
صدقيني ما جرح هالحزن زيّي
غير ناس بالمحبّه قد تكوّوا
كلما قلت اشرقت وانزاح غيّي
عوّدت لي بالمغيب و قلت ضوّوا
بالحشا نار لهبها زاد كيّي
يومهم عابوا عليّه ما تروّوا
يا خلف كلّ الملا يا بعد حيّي
يا هوى قلب مواليفه تلوّوا
و الله اني م اعزيت إلاّ ب خيّي
و بغرامك يا غرامي لا تزوّوا
ما يطول المستحيل إلاّ خويّي
و بهواك اذبح ثعابين تطوّوا
من يقول إني صدفتك في مجيّي
يكذبون اللي بهالاخبار عوّوا
ربي اللي ساقني من وسط حيّي
لين شفتك في براح به تهوّوا
و احتمى قلبك من الظلمه ب ضيّي
ما حسب للي على جرحه تقوّوا
يعقدون عزومهم واطلب وليّي
يفقدون المنهل اللي به تروّوا