آه منك ومن كلامك
ست ناعمة وكيف خصامك
صرت أدوب في خيالك
شهد.. سكر.. في جمالك
فتشت بيتي حته.. حته
وقلت جايز ألقى نفسي
ع السرير أو في دولابك
أو أي حته كنتي فيها
والرجل دبت أو خيالك
أنا لسه داخل وبشم ريحتك
والجواب فيه البشاير
والورد ضحك في وشي
خلاني أصبر على الحبايب
المفاجأة لما أشوفك
في البوفيه في الصالون
قدام مرٱيه...
خلي بالك من الخجول..
ابن عز وفيه أصول
مش مهم يملك قصور
المهم قلبه صافي
والحياة معاه تبقى سرور
ٱه منك ومن كلامك
وادعيلي بنيه صافيه
وأنا ماشي ألقى عروسة
ما أنا عارف قلبك ابيض
حتبقى أختك وبنت لوزه
ربنا يجعل فيك القبول
وهات قلبك جنب قلبي
وحطي ودنك جنب صدري
إمتى كان بينهم نفور
تصبريني.. تسكتيني.. تسيديني
مهما قلتي حكون برضه صبور
واللي قلته مش حعيده
وفي انتظارك... بالعروسة
يا أحلى ست جو كون
جو عيني... جو قلبي
يكفي منك...ابتسامة... كلمة حلوة
والعمر كله للحبيبة بنت الأصول
وأنا فانتظارك.