ياقصيدي قدّم اللي تحتويه الباقه
ولاتقدّم غير جزلٍ لائقٍ تقديمه
أحتفي بي يامعاني شعري المشتاقه
أحتفي بك ياقصيدٍ شيمتي تكريمه
المدايح يوم وردت طايعه منساقه
أرتوت من بعد ماهي ظاميه ومحيمه
أفتخرفي بيت مجداً رايته خفاقه
والمديح بغير بيت المجد ماله قيمه
السحاب المرزم اللي جابني برّاقه
والله أن المجد غيثه والمكارم ديمه
صرح مجد وبيت جود وكل مدحٍ لاقه
أتشرّف كل ما ناديت في تعظيمه
أجتمع فيه الشموخ بهيبته واشراقه
والشهامه والشجاعه والكرم والشيمه
من تعزواء بالسويلم والحياة اشفاقه
والله أنه زابناً في عزته عن ظيمه
والفخر بعيال وايل محتمين الساقه
ما بقت صم الرواسي بالبلاد مقيمه