انطفى ضي الغرام وما بقى غير الكلام
والسؤال اللي سألته هل بقى فيني امل؟
الشعور اصعب وشرحه جرح يستره الركام
ليت قلبي كان عايش في نعيمك يا الجهل
خلف جدران التظاهر وضعك الليله تمام
او تحس إنّك تقاوم بس يسحبك الرمل
نصف عايش تحت نورك نصف عايش بالظلام
ما ابي منّك فراق ولا ابي منّك وصل
ابسط حقوق المناضل يرفض احلامه تنام
وابسط حقوقه يجافي حلم ودعه ورحل
انطفى ضي الغرام وعدت ما لك اي مقام
وسط قلبي يا مسافر كل وردك قد ذبل
لا تحسب القلب ضايق يوم تبعد قبل عام
حكمة الله والحقيقه خير والله اللي حصل
لا تحسب إني نسيتك جيت عابر والسلام
انت قصه لي جميلة حتى لو لم تكتمل