يالعنبو خشم يجي مابه عطاس
حرٍ من إبهامه إلى حد هامه
يوم العرب لامت على فعل جساس
أنا أعتبره فعله شموخ وشهامه
العزّة العزّة ولا الحر ينداس
ويدس راسه مثل راس النعامة
لا مال ابن عمي علي قلت لا باس
أقدر أعديها لعين اليمامة
إن كان هو ذيبٍ ف أنا أجيه درباس
لا لاذ بي يلقى الأمن والسلامة
وأنا بجنبه كان الأرياق يبّاس
إلا الزعامة لا يدور زعامة
لكنها وإن وقعت الفاس بالراس
ما عاد لابن أمّه عليّه ملامة