طرت عليّ الديرة بوقت حساس
وقتٍ يهيض مبطيات الجروحي
اكتّم اللوعات واقول لا باس
والياس شيّد في خفوقي صروحي
فيني هموم وضيقةٍ مالها قياس
يعجز يوصفها قصيدي وبوحي
يا شينها من حالة تشل الاحساس
مزاجٍ معكر وفكرٍ سروحي
وربعي يقولون انت وش فيك محتاس
حن خابرينك ي السراجي مزوحي
ما يعرفون القلب يكويه هوجاس
وما عرف ليه الحظ يكره طموحي
يا سعود لا تنشد عن الحال والناس
تشمت ليا شافت جروحي ونوحي
لكنّي ابى اعطيك نبذة على ساس
تفهم مرادي زين كان انت توحي
يا صاحبي ملعون ابو جد الافلاس
الله يجيرك منه يا بعد روحي
يلبّس الرجال بالحسرة لباس
حالٍ م تشرحها كثير الشروحي
ولولا الامل بالله متنا من الياس
يالله عسى كل المواجع تروحي