الذكريات

الذكريات ..

أصدق حكايات الوله

واخر مواعيد الغرام!

صورة!

تصوّر نفسها!

تاخذك .. عنك

تبروزك!

وتعلّقك

في حائط الماضي

على مسمار شوق

الذكريات ..

إنك تعيش .. وما تعيش

إنك تموت .. وما تموت

إنك تحس انك وراك

إن الزمن ياخذ يدك

يعكس عقارب ساعتك

يلوي يدك!!

ياخذك .. منك!

وتصير في ماضيك عايش!

ميّتٍ مستقبلك

الذكريات! ..

إنك تسافر .. ما حدٍ يستقبلك!!

الذكريات ..

إنك تموت الفين مرة!

كل يوم!!!

إنك تعيش الفين يوم

ف كل يوم!