تمر البال بعض الذكريات بكل اساميها
من اوجاع وفرح واحزان وجروحٍ بلا والي
تذكّرني وتاخذني لها واسهى واناديها
ولا ادري يوم اناديها وش اللي مر في بالي؟
دلعها.. ضحكها.. همساتها مابين اشافيها
وجعها.. نبضها.. دمعاتها في لحظة اهمالي!
مشاعرها.. هداياها.. سهرها في لياليه
اتعبها.. حزنها.. واعذارها دايم عن وصالي
ملامحها.. طفولتها.. أنوثتها.. تغليّها
حلاها.. ملحها.. هندامها .. ملبوسها الغالي
شعرها.. عينها.. وجناتها.. لمسات اياديها
خجلها.. خوفها.. ضيقاتها مني على حالي
براءتها.. شقاوتها.. سوالفها.. أمانيها
عطاها.. صدقها.. إخلاصها الأكثر من ظلالي
نصايحها.. رجاحة عقلها لا جيت احاكيها
دفاها.. بردها.. تنهيدها لا غبت من تالي!
رسايلها.. خطا إملائها.. إحساسها فيها
حبيبي؟؟؟؟؟ لو قفلت ف يوم لو لحظات جوالي
عساي القى لذنبي عذر لا من جيت اراضيها
وعساها تدري اني ما رحلت وهذي اطلالي!!!