انا انسان مع نفسي قبل لااكون معاك انسان
ولي مبدأ ولي نظره تحكمني قناعاتي
احاسيسي حقيقه ثابته بالوصل والهجران
انا طبعي اذا حبيت احب بكل حالاتي
منادي والندا نابع من الوجدان للوجدان
اذا ما ينطق احساسي حديثي يشبه اسكاتي
غموضي في الهوا تصريح سره يفضح الكتمان
ونظرات الوله والوجد هي اجمل عباراتي
ولا اجامل باحاسيسي ولا اقبل في الهوى احسان
ولا للمصلحه يا سيدي دور بعلاقاتي
احب الصدق واعمل به كسبت اوكنت انا الخسران
ولو صدقي يخسرني تشرفني خساراتي
ولو ينسى زماني مانسيت الشوق والخلان
رفيق العمر لو يقسى معاناته معاناتي
ولولا العفو ما اخطينا ولا نحيا بلا غفران
خطايانا دليل انا بشر ومنا الخطا ذاتي
على صدر الزمن بكتب شعوري موعد وعنوان
تعرف الشوق لو فتشت عن سر ابتساماتي
هلا بك يا أصدق شعورٍ دخل قلبي بلا إستئذان
هلا بك يالنصيب اللي نثر وجهه على أوقاتي
وفت لك كل احاسيسي ولا بعد الوفا نكران
وسمعي بالوفى يحرس حروف الود بشفاتي
أحبك والهوى نعمه بحطك نعمة الرحمن
واذا كان الهوى غلطه بحطك كل غلطاتي
ولو ألغي شعوري مابقى لي صاحب ولا خلان
يرافقني على مر الزمن جرحي ودمعاتي
رفيق العمر لو تجفا نبض الحرف والشريان
اذا ما غصت باعماقي متى تفهم معاناتي
على كثر الخطا غافر ولا اغفر غلطه الخوان
جزاه الصد والفرقا ولو عاندت رغباتي