بدي الدنيا كلها تعرف
إني مقاتل وليه رصيد
لما أقاتل عمري أبغي
حتى عدوي ليه يجيد
حقنا ثابت زي قواعدي
هو الجبل قدمه يحيد؟
ما حبيت الظلم في عمري
ولا في طبعي أمد له إيد
ليه الظلم يطوف بديارنا
عمر ما كان الظلم مفيد
ولما أقاتل أبذل نفسي
وبدي أكون للأرض شهيد
أوعى تفكر إني سأنسى
إنه عدوي كلب عنيد
مهما هوهو كلب الميضة
عمره ما يبقى شهم نديد
بكره أكيد الشمس حتطلع
واللي يحارب لازم يجيد
غزة حترجع لينا عفية
ونرفع روسنا بكل أكيد
صبراً يا ابني وطول بالك
ساعة النصر ما ليها مواعيد
ولا القدس فيوم ننساه
مهما ظن البعض بعيد
إياك تنسى فيوم حكامنا
دا اللي حكمنا اسمه نشيد
عشنا نحي ونرفع إيدنا
تحت الراية كأنه عيد
إياك تضحك لما أقولك
إنه ملوكنا زي صديد
بدي الدنيا كلها تعرف
أنه شعوبنا كله بليد
رحنا في نومه وكله تايه
واللي نقوله بكره نعيد
فين أخواتنا وأبناء عمومتنا
جايز اشتاقوا لسكن البيد
صرخة ميت جو أكفانه
من يسمعنا ومين يعيد
دا الشيطان الأكبر قاعد
وبكره الدايرة لافه أكيد
بدي الدنيا كلها تعرف
إني مقاتل وليه رصيد