يا بنت صري بنطلونك ورصيه

يا بنت صرّي بنطلونك ورصّيه

ترى اكثر الجمهور من بنطلونك

والجنز لامنه كربْك وكربتيه

أبدا ً فلا عمر الموزع يخونك

القوم عشاق الغلاف إن جعلتيه

فتنه تصدّرها دلعْك وجنونك

الكل يبي اللي بجسمك كتبتيه

عِدّي على العالم عجايب فنونك

كم شارب ٍ جبتي خفيره وحستيه

حوس الحروف اللي تترجم شجونك

واللي ستْرْه اللّه لا من فضحتيه

يفرح به اللي ما يخيّب ظنونك

بالعالم اللي ما يهمك تسليه

ولا تهمه كذبة ٍ في عيونك

تبادلي معْه المشاعر وعيشيه

من قبل يعتق وجهك ويزهقونك