من يقول انك من التهمة بري
وانت سبة كل ما كان وجرى
تهمتك في حق ذا الغصن الطري
يبست عوده ولا أظنه برى
ولو بِدا حرفك مع المعنى ثري
واقعك مؤسف ودور عن ذرى
صوتك استكنان جوك شاعري
بس ما اسمع ولكنى أرى
شفت ما يثبت بأنك مُزدري
تعزف حروفك وهو نزفه جرى
وتتهم غيرك بحكم المفتري
وتنتظر عدلاً من اللي ما درى
ومن يقديه العمى وش يحتري
خطوة قدام وعشراً للورى
فرق بين اللي يبيع ويشتري
مثل ما فرق الثريا والثرى
وقبلة الأقصى إذا منه طِري
تنتفي لاجاء طاري أم القرى