يخلّي لي عيونك، مبعدات العاشق، المفتون
في ابعد مما طاله، في آماله لك تواعدني
حبيباتي، غاياتي، ما سواها بالوجود عيون..
تهجَّى القلب، تقرا الروح، تكتبني، تساندني
وانا محتاج لأبعد من تعاريف لفكر مسجون
ومفهوم السعادة في كساده ما يساعدني
رفض فكري يكون الساكن اللي ياسعه مسكون
ورفض قلبي مع اعياد البشر يقبل يعايدني
لو افتح باب للمعنى لقيت الغربة المضمون
لو اقفل باب للمبنى رفع سقفه، وعاندني
ولاني منتمي، والعقل يعشق درَّة المجنون
ولاني بالمحايد، والمشاعر ما تحايدني
يراودني فؤادي لابتعادي عن ضجيج الكون
وانا ناوي رحيل ٍ ما يرّد.. وما يراودني
وتبقى به عيونك ضي روح ومنتهى لشجون
ما يتوقف مطرها مع سفرها اللي يباعدني