يمر القلب في شارع غرامك من ثلاث شهور
عليه من الوله حلّه ، ومن حزن البطا حلّه
توقّف له طيوفك عند بابك لا عبر ، ب( الدور )
ليا منّه حضن واحد ، قفاه الثاني وتلّه
مع إنك تارك الديره ، وبيتك يعتبر مهجور
رفضت أوجّه إحساسه على فرقاك ، وآدلّه
على ه( الحال ) ، والدنيا رحاها ب( الغياب ) تدور
وصبحك في قفى ليلك ، "يعصر القلب ويذلّه"
أجاهد عبرةٍ تاقف من الضيقه ف( حد ) الزور
ودمعٍ ما جرح خدّي ، سبقه الكمّ وإشتلّه
اشيّد سور هقواتي وتقصف ب( الغياب ) السور
تعقد الحبل ل( غيابي ) ، ل( عين ) وصالك آحلّه
أعالج ب( الصبر ) جرحي ، ولا مثل الصبر دكتور
وأكسّر ب( إبتساماتي ) يدين الحزن ، وآشلّه
واحلب المزن في صدرٍ ضلوعه مقفرات وبور
شوي شوي لين أجني حصاده ، شيحه وفلّه
وفي وجه الفضا المظلم ، أطش النور تلو النور
وفي ليلٍ حجاجه سمح ، أقنّد ل( الفرح ) دلّه
والى فرّع بصيص الفجر عن وجهه ، صحى عصفور
يطير وناصية ريشه من الاشواق مبتلّه
عشان اكسب رضا قلبك ، ولا أجعل خاطرك مكسور
لو إنّه ما حصل وصلك ، خليل وحافظٍ خلّه
عظيم شعور ب( حضورك ) ، وب( غيابك ) عظيم شعور
على خبرك ، آعشق الوصل وآدوره ، واعملّ له
واقدّر من يقدّرني ، واعاون ، واستمع ل( الشور )
واعدّي ل( الرفيق ) إن زل ( من طيبي ) مية زلّة
ولا فكّرت لو طوّل غيابك ، انتقم وآثور
تطمّن ، ما طرى في بال خلّك ه( الأمر ) ، لله
مصيرك تكتشف ذنبك بنفسك في ثلاث شهور
وتطعن ب( الوصل ) هجرك ، وتلبس ل( اللقا ) حلّه