أنا زى ناسك ودايق من عذابك
شارب من مُر كاسك وآهاتى من دلالك
ومتيم زى غيرى بس وبعدهالك؟
مش ناويه ليه تلايمى؟!
هى الدنيا مالها؟ شايفاها مش مقاسك؟!
أما عليك قساوة بتردى ليه المحبة
للى شاريك غباوة!!!
طب وبعد هالك؟
كل الناس دى عندك مش لايقه لنور جمالك؟!
اكمنك حلوه حبه؟ ولا عايزانى اتاقلك؟
وانا اللى عمرى ما أملك ولا حتى تقل شالك
لو رايده أقول وأخلص أنا دوغرى مش مخلص
لا أفهم شغل الصبايا ولا عمرى كنت مهيص
شاورى على طول حأجيلك وأزعق من تحت بيتك
تطلع لى الحلوه مامتك ولا بسلامته أبوكِ
حأطلب م الخلق يدك وأدفع على قد حالى
حبى اللى بين ضلوعى وغلاوتك مش بمالى
رايد منك إشاره رايد منك عيالى
حأستنى كتير قصادك؟ ما تقولى يا تاعبة حالى