يكفيك أنك شفتها دون ميعاد
و يكفيك شمك من بعيد لعطرها
الحظ لك في الوقت يا صاحبي جاد
فرحتك في صدفة لقى يا كبرها
لولا هواها مشعل الشوق وقاد
ما عانقت عينك لواحظ نظرها
سحابةٍ مليا بهوا دون رعاد
منك قريب ولا وصل لك مطرها
راعي المحبه دايم بحاجة إنجاد
معرض نفسه تهالك خطرها
حد ٍ حصيله في الهوى قد فرصاد
و حد ٍ من الأغصان يجني ثمرها
والصيد لي يقرب على الزول ينصاد
و الذايره يتعب القانص وعرها
تذري بضلع ومدنفٍ دونه احداد
و تحوزم القانص وتاخذ حذرها
والغيد لي رادن له الري ميراد
انهلت وردك من مغاني غزرها
جتك وتحدت نار شوقك ولا فاد
نفسك على رغم التحدي صبرها
البارق اللي في دجى الليل وقاد
من قال إنه مالمع من نحرها
والبدر لى مسفر على الناس بحياد
من قال إنه ما اكسبه من سفرها
قضيت عمري أرتجي الوصل ينعاد
واعرضت عن بيض الخدود وحمرها