ترجمتك في صمتي بوح
مالي فالشكوى من بد
اشكي من شوقي مجبور
يوم اظلم ليلي واشتد
قلبي ياخلي مجروح
ولحالي في عز البرد
ماترحم حال المشتاق
اللي لك في قلبه ود
وش ذنبي يومي مغليك
لو جيتك لدموعك خد
ماتكسب فيني معروف
يوم انك تجزاني صد
قال انت الحين المظلوم
حسبك ياظالم من جد
حقك في صدي ماجاك
تستاهل عن وصلي ضد
يوم اني عندك موجود
اسال ماتنطق وترد
كني مع حالي مجهول
يبني لك صبري وتهد
حالتنا ماهذي حال
كان انك للحق تعد
هذا انته تبخل بحروف
تهمسهاباذني للغد
ولومانت بقلبي محفور
كان اتبع قانون اب جد
ياالغالي جيتك مسموح
لوصبري ضدي يرتد
قلت اني ماني معذور
لين اتعب لجلك واجهد
لكن بغيابك مفجوع
من خوفي بيحت السد
ومن مثلي يعتاد الصمت
لاعربد بحره وازبد
لي عمري كله تغريب
وفالغربه ماعندي يد
والتابع يمسي متبوع
شدو قبله ناس وشد