تناساني ولا يخشى العقوبة
تعوَّد مني أتغاضى وأسامح
سألت الله يخفف من ذنوبه
ولا تغني المواساة والنصايح
إذا هبَّت على عاشق هبوبه
يصير العذْب يا ليلاي مالح
وفي الغُربة يؤرقني غيوبه
وله كل المشاعر والجوارح
وتسأل يا رفيقي عن دروبه
لكم دربي وأنا غادي ورايح
ويضني قلبي المولَّه هروبه
وأنا دايم كما تدرين واضح
وهي شمسٍ يعذبني غروبه
أنا من دونها واهِن وسارح
تزيد الشَّمس رقتها عذوبة
على خده فؤادي بات جانح
إذا تدري فؤادي ما خطوبه
لها وعده يراضي أو يصالح
يسامحها وهذا من عيوبه
ولا يقدَر سوى قلبي يسامح
كفى بالقلب تلهو في سهوبه
وما يخشاه قلبي أمر راجح
هواها بحر والهاجس نضوبه
وهو للبُعد عنها غير طامح