انا اسأل عنك يا اللي ما سألت وما طرى تسأل
عن اللي.. كل ما تطري عليّه.. يوّلم العبرة!
زمانه بالتعاسة والحزن والهم ما يبخل
دموعه في عيونه والبلى في خافقه جمره!
حبيبي من يقول إن الغياب ف وضعنا أفضل!
تفارقنا وكلٍ في حياته حالته خطره
سقى الله يوم كنا تزعل الدنيا... ولا نزعل
حبايب مالنا فالحزن وإدمان التعب خبره
حبيبي سامح الله الزمان اللي علينا اسدل
جراحه! لين سال احساسنا قطرة ورا قطرة!
طبيعي لو يمر الفرح جنب القلب ما يدخل!
نبي نفرح ولكن يا حبيبي منييييييين يا حسرة!