ليتك هنا يوم السهر يشكي علي احوالي
أبني قصوري ف الهوا واتذكرك واهدمها
كل القصايد تحترق لا جابتك في بالي
وانا احترق من لهفةٍ تجتاحني وافهمها!
يا ام الرموش اللي لها فيّه كرهت ظلالي
في وحدتي مالي سوى ونّة عجزت اكتمها
مالك على قلبي يمين الجرح منّك غالي
واغلى الجروح اللي تجي من يد ما نعدمها!!
حطيّك في نفس المكان وجربيّها اغلالي
كم تلتوي بي ضيقةٍ ما يلتوي معصمها
أكثر دفاتر غربتي تبني علي اطلالي
وشلون افسر غربتي في يديك وآترجمها
أمشي على نفس الطريق المُر ذاااك لحالي
واقول تكفى يالصبر لاشفتها علمها
إن السهر جنبي هنا يشكي علي احوالي
واجمل قصوري تنبني ويمر من يهدمها!!