يالله يامنزل تبارك والأنفال
اطلبك يامعبود ياخير هادي
عفوك وسترك وانت بك كل الأمآل
اطلبك ياغافر ذنوب العبادي
جيتك وصوت الحق فجربي اهول
حسيت ماحولي يحاول جهادي
صوتٍ يناديني ورا ذيك الأطلال
كل المشاعر وقفت له تنادي
جميع مافيني تداعاله وجال
شفق ٍ وحاديني من الشوق حادي
رجلي تسابق ثانيتها بالإقبال
وعيني تحدد موقعه باجتهادي
ونفسي لها في وصلة الصوت منهال
تبغى تعل وترتوي بزديادي
وعقلي ذهولٍ بين رجلي وخيال
وصمم على ترك الفرس من عنادي
مشيت وأقدامي عليها المدى طال
الصوت يبعد بالندى يالمنادي
تعبت مع وديان وسهول واتلال
حتى بلغ جهد المشي من مرادي
وصلت عند اللي جلب كل الامال
من بعد ماني عنه انا كنت غادي
أمس بظلامٍ ليل وهمومي اجبال
أقدح ولا تولع فتيلة زنادي
واليوم أنا عن حالتي أمس في حال
أمس النكد واليوم يزهر فؤادي
لو بالحجارة إحساس وقف له إجلال
لبى الجماد لصوته بصوت هادي
لو يسمعه جن العفاريت يهتال
فرو وسلك له وادي غير وادي