أحث المسير.. ما كن سكن قلبي الخوف
وانا والله اخاف.. ولو تلحقني نقدة الناقد
أحث المسير.. ودربي بالمخاطر محفوف
مهما يكون! ببقى على ذا الدرب أجاهد
يخوفني اخسر أكبر أحلامي.. وأنا اشوف
يخوفني يضيع باقي العمر… وانا قاعد!
ادري اني قوي واني اقسى من الظروف
لكني اخاف يخونني متني والحمل كايد
الا يارب ادري انك تعلم الحال وتشوف
حملي ثقيل ودربي طويل ويارب ساعد
ولا تترك أحلامي على باب الواقع وقوف
تدري بنبل مسعاي.. وانته عليّ شاهد