بلشنا في الحشا والخاطر الحسّاس
وفي جروح يمر العمر ما تبرا
حسبنا الناس مهرب من سجون الياس
ولكسور الخواطر بلسم وجبرا
سقونا المر كم مرة بنفس الكاس
ولا عنهم لقينا مهرب ومسرا
ولاهم للقلوب المتعبة ونّاس
ولاهم عن هموم أرواحنا أدرا
تعب يا رحلة التفكير والهوجاس
لنا قلبٍ على بعض الهموم ازرا
متى نرتاح من دوامة الإحساس؟!
متى نقرا الملامح دون ما نقرا؟!
نبي نرتاح نبض من الزمن وأنفاس
نبي نستر جروح العمر لاتعرا
هربنا من زحام ومن ضجيج الناس
غرقنا في ضجيج وزحمة الذكرى!