مازاح هم ولا رحل يوم ذكراه
وجهٍ يجيني في منامي مسيّر
وجهٍ حلى هالكون فيه يتحلّاه
وجهٍ يشابه في شبابه بشيّر
ياهم قلبي كل ماجبت طرياه
للحين حالي من سببه متغيّر
روّح بتال اتوام شهورآ مسماه
قبل رمضان وقبل حزة قصيّر
ب أول من الغرّا تقفت مطاياه
الطيّب اللي عند الاجواد خيّر
اليا تطريته غصب أكتم الاه
اسلى وانا اذكر لي وغيدً صغيّر
وغيدً يساليني يبي شوف لقياه
ماكني الا منه دوم متحيّر
لا والذي من صلصل الطين سواه
ماهمني نقاد والا معيّر
ببكيه لين الحال يزداد برياه
مالذت عن حزنه ولاني متذيّر