ياغايتي لو كان هالبُعد يكفيك
انا على لقياك .. مانيب تايب
قد قلتها من قلب بالحب شاريك
تسمع ل قولي دون حق وطلايب
ضاق الفضا وانا بروحي احاتيك
ياضيق صدر الشمري وانت غايب
خلك على فرقاك تبعد واناديك
وابكيك حتى يصبح الدمع ذايب
عبارةٍ .. قد .. قلتها في معاليك
منها جروح الفقد .. فيني عطايب
الشوق والفرقى ولقيا موانيك
وسفن الوصال الي خذتها الهبايب
كنا قبل عامين ب الوصل نبغيك
واليوم وصلك صار هم ونشايب
رّوح فمان الله .. مانيب راجيك
يكفيني إدموع ..القهر والنحايب